اسف علي كتابة بعض اجزاء المقال باللهجة العامية و لكن لم يكن باستطاعتي انا اقوامها في تاج مثل هذا واسف ايضا علي الاخطاء الاملائية و لكن اعتقد انكم تعودتم علي ذلك

جائتني اليوم رسالة من صاحب مدونه اتكلم و الصراحة لم تكن في الحسبان بتاتا فقد مرر لي ما ما يسموه تاجاً و لكن كنت قد قررت سياسة للبلوج و هوا محاولة عدم التطرق للمواضيع الشخصية في هذه المدونة بتاتا و جعلها متخصصة في ما قد ذكرته سابقا ايضا كتابة بوست مثل هذا سيجعلني اقوم ببعض التعديلات التي ستخفض من حجم الصفحة الرئيسية من 600 كيلو بايت الي حوالي 100 كيلو بايت فقط ابضا سينخفض عدد الصور من 17 صورة الي 4 صور و الاقل حجما فيهم و هذا يعني انخفاض في الترافيك و Hits هذا يعني انني سافقد حوالي 20 الف Hits في الاسبوعان القادمان حتي انهي امتحاناتي و ابدأ من جديد في الاهتمام بالمدونة و لكن فلتذهب المدونة للجحيم كيف ارفض دعوة جميلة كهذه قد تكون سببا في معرفة شخصا لذلك قررت ان اشتري دومين - رغم امتلاكي للكثير منهم - و اقوم بوضع التاج علية لانني كنت اريد ان انشيء من فترة مدونة للاحداث الشخصية و الاجتماعية و ما الي ذلك و لكن النت فصل فقررت ان اوجل هذا القرار الي بعد 3 اسابيع من الان ان شاء الله و انشر التاج هنا علي ان انقله للمدونه الجديده لاحقا .

شكرا محمد علي تمريرك التاج لي

أحب شخص لقلبك في الدنيا؟
امي
انسان مستعد تضحي بحياتك – ركز فى كلمة حياتك – عشانه؟
رسولنا صلي الله علية وسلم

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
انا لا اكره اي انسان او علي الاقل احاول ان اكون و لكن ان كان يمكن تعديل السؤال لاكثر كائن تكرهه لدرجة الجنون فهو و بلا شك البعوض الذي اصابه الجنون هذا العام و انا بيجيلي حساسية بسببه كل سنة في شهر مايو و قد تمتد ليونيو و يبدو ان بيل جيتس قام بتعديلهم جينيا حتي يجعلوني اصاب بالجنون لانه خايف مني علشان ناوي اشتري ميكروسوف بعد بالظبط 21 سنة من الان ان شاء الله و ساقوم بتحويلها لشركة شيبسي و بسكويت و لا اية رايكم اقلبها محلات فول و طعمية و لا انتو عاوزين اقلبها اية اللي هتقولوه هنفذه

ما هو اسم اجمل كتاب كتبه بشر قراته ومحتفظ به حتي الان؟
انا لا احتفظ بالكتب فانا لا املك الا كتب تقنية و بعض القصص و الدستور المصري قبل التعديل طبعا
اسم كتاب كتبه بشر برضة- انت متعلق بيه وبتقرأه كل فترة؟
كل قراءتي اصبحت علي الانترنت و الكتب الالكترونية و قد توقفت عن القرأه في الكتب الورقية منذ 5 سنين لذلك لا اذكر اي اسم كتاب و لكن اكثر الكتب التي اعجبتني الفترة السابقة كتاب لديفيد هانسون اسمة Agile Web Development with Rails خلصت منه فصل

اهم جهاز منزلى انت متعلق بيه او بتستخدمه كتير؟
جهازي الشخصي
مكان تحس بالراحة عندما تدخله؟
في غرفتي في حال انقطع التيار الكهربي ولا يوجد اي اضاءة و ان كان يوجد اطفئها (في حال نوم الجميع او عدم وجود احد بالمنزل علشان محدش يخاف) و يا حبذا لو كان ذلك بعد منتصف الليل و يا حبذا اكثر لو كنت لوحدي في المنزل ويكتمل الموقف في حال عمد وجود اي اصوات . تخيل معي انك لا تري حتي كفة يدك انه لشعور رائع حيث فقد حاسة البصر و السمع تقنيا يجعل باقي الحواس كفائتها تزيد بشكل كبير و يبدا الوحي او الرعب انا و حظي و لكن لم يعد الرعب يجدي معي فانا كنت اتمتع بقدر قليل من التلذذ بتعذيب الذات (لم تصل للسادية بعد :d )

شىء تحس بالراحة النفسية عندما تنظر اليه؟
الشاطيء الساعة السادسة صباحاً
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
لا اعرف الان
اجمل مدينة زرتها داخل مصر ؟
لا يمكنني الجزم لانني لم ازر الكثير و لكن في الخطة الخمسية القادمة اعد نفسي ببعض الانشطة الحركية و لكن ابدي اعجابي براس البر - منطقة اللسان

أجمل مكان طبيعي رأيته داخل مصر ؟
انظرالسابق

شخصية كارتونية بتحبها؟
لا اشاهد الكرتون الا نادرا و اكثر ما احبه هم توم و جيري

ايضا اتمني ان اشاهد Zamika و هي شخصية ليست موجوده و لكن الاسم اعجبني و اعتقد ان قد تكون مثال لشخصية كرتونية عربية شقية لذيذ و سيحبها الجميع و لكن لو كنت مصمم كوميكس لكنت جعلت هذه الشخصية مشهورة جدا و لكني املك افكار لها .

نوع هاتفك المحمول؟
Sony Ericsson

سرعة بروسيسور جهازك؟
2.5 MHz

حجم ذاكرة –هارد- جهازك؟

Ram : 256 kb - HD : 80 GB - OS : Ubuntu , Windows

الجهاز ليس ماركة معينة لانه متجمع

المساحة التى تشغلها المواد الاسلامية على جهازك؟
جيجا و نص

نفس المساحة السالف ذكرها فى قلبك -الاجابة لنفسك عشان الرياء يا اخواننا -؟
مين قالك كده !!

أهم هدف انت واضعه لحياتك الآن؟

صعب ان اذكره لان محتاج مدونه لوحده و مخططات و ما الي ذلك لان الهدف بتاعي عامله مرحلي بمعني انا مثلا عند سن 20 المفروض اكون وصلت ل 10 % و عند 25 اكون وصلت لنسبة تانية و هكذا تقدر تقول خارطة طريق بلتزم بها

مواصفات فتاة الأحلام بالنسبة لك؟
تكون بتعرف تشتغل علي انظمة BSD و يا حبذا لو كانت تفضل الجينوم عن الكيدي سيفرق هذا كثير معي

و سيزيد من فرصها لو كانت يابانية

و لا انت اية رايك يا دكتور حمزة و معلش علي الاستعارة من كلامك اللي كله حكم

صف ما يأتى:شعورك لما بتسمع كلمة مصر ؟

حسب الموقف ساعات لما اسمع اسم مصر في مواقف بحس بوطنية غريبة و ساعات لما اسمع اسم مصر ببقي عاوز اجيب رشاش كلاينكوف و اروح احارب اي حد يمسها بكلمة بس معتش بحس بكده كتير و ساعات لما بسمع كلمة مصر في بعض المواقف بفتكر بيت شعر بيقول شعب اذا ضرب الحذاء براسه ضرب الحذاء براسة صرخ الحذاء باي ذنب اضرب و ساعات و ده بقي الغالب مش بحس بحاجة و اقول دي ناس فاضية .

شعورك لما بتسمع كلام عن اليهود؟
بحس بالقرف بس ده ميمنعش اني معجب بمبدا اليهود في الحياة لانهم ناس ماديين و المادية متغلغلة فيهم و هما عارفين كده و عارفين ان ده مقياس الفساد في الدنيا ان المادية تتغلل في ناس و عارفين برضه ان دي رغم انها علامة علي الفساد الا انهم خلوا المادية نقطة قوة ليهم و محولوش يخبوها و ده اللي عجبني فيهم انهم عارفين هما عاوزين اية و مخططاتهم متغيرتش و مش هتتغير و عندهم صبر غريب .

شعورك لما بتشوف ظابط شرطة؟
كنت في الاول بحس انه هيقبض عليا بس دلوقتي مش بحس بحاجة

شعورك لما بتشوف الكناس العجوز فى الطريق؟
بقول ربنا يكون في عونه بس شعوري بيكون وحش اني لو لقيت شاب عنده قدرات و مش عارفهم و بيدفن نفسه في شغلانة متلقش بقدراته و بكون زعلان جدا علية و بقول صحيح الشغلانة مهما كانت عمرها متعيب صاحبها بس بدال انت تقدر تخاطر و انت شاب صغير و تشوف حاجات تانية و تجرب و تحتك و تقشل و تنجح متعملش كده لية لانك لو معلتش كده و انت شاب صعب انك تعمله و انت متجوز او صاحب مسئوليات و اولاد او ما الي ذلك .

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
بقول اللهم قوي ايمانه و اهديني يارب قولوا امين

احساس يراودك فى اشارة مرور مغلقة بسبب مسئول كبير؟
بيكون صعبان عليا العسكري اللي بينظم المرور علشان المسؤل يعبر الشارع في امان لانه بيكون اكتر واحد مخنوق من المسئول ده .

لا اجد رغبة في تمرير هذا التاج لاحد لاني من اريد فعلا تمريره لهم لا يهتموا به لذلك لان اضيع 35 ثانية في كتابة لنكات بدون هدف كذلك و لكني ساخسر 3 كيلو بايت من المساحة مما قد يعني ترافيك شهريا 10 ميجا - اي حوالي 0.0194 سنت من النقود التي ادفعها للاستضافة - في حالة الحساب شهريا - ستضيع سدي و لكن طبعا ال 35 ثانية هي اغلي من 10 ميجا ترافيك حيث يمكنني ان استغلهم في كتابة هذه الفقرة و التي ستعطيني مساحة قد تقدر ب…..ثواني كده احسبها اه الفقرة دي عاملة معايا بتاع كيلو بايت يعني طلع رايي غلط و اني لو حطيت اللنكات كنت هستفيد اكتر بس انا مزاجي محطش لنكات و بكده يبقي همشي بمزاجي في الاخر برضه علي العموم الدعوة مفتوحة للجميع للاجابة علي اسئلة هذا التاج

أقرا ايضا ...

• هرطقة صائم - الجزء الاخير (1)
• اشترك في كورس الروبي مع Satish Talim (4)
• زامبيا … اقوي فرق البطولة الافريقية (3)
• النوخذه و لا مؤاخذه (0)
• تغير الـ Css باستخدام الـ JavaScript (1)

التصنيف: شخصي